आंनि मेगननि मोदैआ
नोंनि सावननि अखा जायोब्ला
अननायनि आबाद माव नों रजे
गोरबोनि हासार बह्रा
आबाद थिलियाव ।
मोदैनि आंखालआव
अननाया मिरौ जिरौ जायोब्ला
मुगै नों आंखौ
मोदैजों बुंसारहोगोन आं
अननायनि आबादथिलि ।
नाथाय
अननायनि आबादखौल' मोजाङै दैखां नों रजे
थिब थिब बुंनानै थाथों
नोंनि आंनि
अननायनि बाख्रि ।
अनफ्लेबाय थाब्लाबो दाआंगायथों
दुखु-दाहानि दाहार सुखुनांब्लाबो दाजामथों
अननायनि बाख्रि ।
आखाइ दाफोलावनांथों
मालायनि अननायनि
आरो
अननायनि थाखाय माब्लाबाबो
रसा दानांनांथों
जोंनि सनाथि संसार ।
This poem has not been translated into any other language yet.
I would like to translate this poem