आं लोगोहमनो लुबैयो Poem by Didwmsha Basumatary

रजेजों नङा
आं लोगो हमलायनो लुबैयो
रजेनि रादाइजों
सान अखाफोरखौ साखि दोननानै
लानाय समाइजों
मोजां मोनलायनायनि
सुदेम मोनदांथिजों
रोदोमबोनाय जौमोननि बोदोरजों

आं लोगो हमलायनो लुबैयो
रजेजों सौग्रावलायनाय
गुथाल नोजोरजों
रजेनि गोदै रावजों रावहोनायजों
खौरां मोनाब्लानो
उखु-खुथु मोननाय बोदोरजों

आं लोगो हमलायनो लुबैयो
बोराबफ्लानानै
गोदैसिन जानाय मोजांमोननायजों
दुखुनि समाव दुखु
सुखुनि समाव सुखु जानाय
गोथार अनलायनायजों ।

आं लोगो हमलायनो लुबैयो
आहुति होनाय गोथारथिजों
मेगनजों मेगन सिमां नुनाय नोजोरजों
गोरबो बिखा गथाइजोबनाय
फेलें जानोरोङै जुगामि अननायजों ।