Upendra Singh 'suman'

Bronze Star - 2,988 Points (03-06-1972 / Azamgarh)

महंगाई (भोजपुरी रचना) - Poem by Upendra Singh 'suman'

उफरि परय एइसन महंगाई
छिनय मुंह क निवाला हरजाई|
उफरि परय एइसन महंगाई|
लागल बजरिया में आग मोरे भईया|
देखत-देखत उडी जाला रूपईया|
हड़पि जाले इ पिया क कमाई|
उफरि परय एइसन महंगाई|
अबहीं त पड़ल हउये सगरो महीनवां|
बीतल बा मुश्किल से चारी-छः दिनवां|
झपटि लिहल सब पाई-पाई|
उफरि परय एइसन महंगाई|
तार-तार भईलंय तन प कपड़ा आ लत्ता|
खींचति बा बबुनी क देखा हो दुपट्टा|
करावति बा इ जगहँसाई|
उफरि परय एइसन महंगाई|
डेरवावे धमकावे बोले ले बोली|
मारे ले छिनरी करेजवा प गोली|
हउवे इ बजर क कसाई|
उफरि परय एइसन महंगाई|
कईलय सपनवां इ होली-दीवाली|
खींचति बा बचवन के अगवां क थाली|
देखा तनि एकर हो ढिठाई|
उफरि परय एइसन महंगाई|
सुरसा नियर ससुरी बढ़ावति बा काया|
बड़ी जानमार हउवे एकर हो माया|
दिहलय अरमान सब मिटाई|
उफरि परय एइसन महंगाई|
राजनीति संघवां कमर लचाकवेले|
हमरी औकतिया के ठेंगा देखावेले|
बत्थति बा एकर हो मोटाई|
उफरि परय एइसन महंगाई|
उपेन्द्र सिंह ‘सुमन’

Topic(s) of this poem: life

Form: ABC


Comments about महंगाई (भोजपुरी रचना) by Upendra Singh 'suman'

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Tuesday, December 1, 2015



[Report Error]