खनथाइस्रि
नोंखौ नेनानै आं
दिनै आरांगाखौ गोजाम खालामनानै लालिया ।
नों फै जेब्ला गोसो अब्ला
आखाइयाव सोदोब सावगारि
मेगनआव दिनथि सावगारि
सोलेरगंसे गहेना गाननानै ।
नों फै
उदाङै गोसोबायदियै
आं साजाइगोन नोंखौ दानदिसे ।
नों फैयोब्ला बेराहैगोन
थुनलाइनि सानबोलावरियाव ।
नोंनि आखाइयाव हमनानै
नायगिदिंहैगोन सोदोबनि मेला
ओंथिनि बाइजाथु महर आरो जादू ।
नों फै
जेब्ला गोसो अब्ला ।
नाथाय
नोंखौ नेनानै आं दआरांगाखौ गोजाम खालामनानै लालिया ।
This poem has not been translated into any other language yet.
I would like to translate this poem
Gwjwnnai thabai Bidindra nwngthang.