ଜୀବନର ସଂଜ୍ଞା Poem by Jhadeswar Khanda

ଜୀବନ ମରଣର ଏ ସଂସାର

କେବେ ଯେ ଯିବ ଉଜୁଡି,

କିଏ ରହିଯିବ ଏଇଠି

ଆଉ କିଏ ଯିବ ଛାଡ଼ି |

ଛାଡ଼ି ଯିବାକୁ ନାହିଁ ମୋର ଭୟ

ଆସିଛି ତ ଯିବି ନିଶ୍ଚୟ,

ଦୁନିଆରେ କିଛି ଭଲ ନ କରିଲି

ଏଇତ ଦୁଃଖର ବିଷୟ |

ଜୀବନ ନୁହେଁ ଏକ ଅବୁଝା କବିତା

ପଢ଼ି ବୁଝି ହୁଏ ନାହିଁ,

ଜୀବନ ନୁହେଁ ସୌଖିନ କଣ୍ଢେଇ

ଖେଳି ଭାଙ୍ଗିବା ପାଇଁ |

ଜୀବନ ମରଣ ମଧ୍ୟରେ

ଅଛି ଯେଉଁ ବନ୍ଧନ,

କେଉଁ ଶକ୍ତି ଅବା ଅଛି

କରିବ ତାହାକୁ ଛିନ୍ନ |

ଏ ଜୀବନରେ ଅଛି

କେତେ ଯେ ଆଶା,

ଆଶା ପୂରଣ କରିବା ପାଇଁ

ନାହିଁ ମୋର ଭରଷା |

ମଣିଷ ଜୀବନ ନୁହଁଇ କେବଳ

ବର୍ଷ, ମାସ, ନିମିଷକ,

ଏ ସମାଜକୁ ଅଛି ଯେ

କେତେ ତା'ର ଆବଶ୍ୟକ |

ଆଖିର ଲୁହରେ ଏ ଜୀବନ ଝରେ

କେହି ବୁଝେନା ତା'ର ମୂଲ,

ଏ ଜୀବନ ଖାଲି ମଶାଣୀ ବୁକୁରେ

କବରରେ ଝରା ଫୁଲ |

ଭୋଗିବାକୁ ହେବ ମଣିଷ ଜୀବନେ


ଥିବା ସବୁ ସଂଘର୍ଷ,

କ'ଣ ପାଇଁ ଆମେ ଦୁଃଖ କରିବା

ସବୁ ତ ନୀୟତି ନିର୍ଦ୍ଦେଶ