'આવું પણ થશે ' Poem by KIRTI SHAH

શાળામાં હતો તે કોલેજમાં જવાની ઉતાવળ
કોલેજથી નોકરીએ ટ્રેન પકડવાની ઉતાવળ
નોકરી છોડી તે ઓફિસે પહોચવાની ઉતાવળ
કારખાને, દુકાને.....
બસ આગળ વધવાની ઉતાવળ
દિવસના ચોવીસ કલ્લાક પડતા ઓછા
જ્યાં રાત્રીને કોઈ મળતું ન સ્થાન
કહેતી તે કે
'આવે જો મોતતો થોભી જા
આટલું તેટલું કરીને આવવું જે પાછું '
અને આજે ખરેખર એ સીધાવ્યા...
જ્યાં સમયની આગળ દોડતો હતો
સમયની પાછળ
સમય કાપવા નીસરું છું
ત્યારે ખબર ન હતી કે
'આવું પણ થશે '