Dhoni Ram Narzary


नों मिथिया जानांगौ - Poem by Dhoni Ram Narzary

Date- 27/4/2015

नों मिथिया जानांगौ
आंदि नोंखौ जिउआरि गोसोथोयो
बेव गैया इसेबो बेसादारि गोसोथोनाय
नाथाय बेयो सैथो
बेबोदि जिउआरि गोसोथोनायनि बाहागोसे
नाथायबादि बियो नङा जिउआरि गोसोथोनाय
नों मिथिया जानांगौ
आं दं बिबार बारियाव
खनसायनानै बायदि रं-बेरं
मोदोमफ्रु बिदैबरहा थाजिम बिबार
बेफोर बिबारा साजायनो थाखायनो
बानायनाय आंनि बिसिनायाव
जेराव नों आरो आंल
एबा जों सानैनि खबाम गोरोबलायनाय
सावगारिनि सावगारिफोराल
जेराव उनदुनो हायो।
नों मिथिया जानांगौ
नों थायो आंनि मोनफ्रोमबो हाङाव
नों मिथिया जानांगौ
आंनि सानखराङाव नोंनोदि सान।
नों मिथिया जानांगौ
बेखायनोदि गाबज्रियो आं नोंखौ
होननानै 'आंनि बिखा'।

Topic(s) of this poem: romantic

Form: Narrative


Poet's Notes about The Poem

My love

Comments about नों मिथिया जानांगौ by Dhoni Ram Narzary

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Monday, January 25, 2016

Poem Edited: Monday, January 25, 2016


[Report Error]