मिथिनो दालुबै Poem by Bidindra Basumatary

नों नोंबादिनो था
आंबो आंबादिनो थागोन
दिनैनि सानाव दासों
आंबो जेबो सोङा
अर जोंलायगोन मिथिलायोब्ला
जेब्ला गोसो मोननैया गोरोबलाया,
नों जेखौ लुबैदों आं मिथिया
आं जेखौ हास्थाइदों नोंबो बेखौ मिथिया।
दिनैनि सानाव बेखायनो
खुगा मुथेना दान्दिसे थाथ'
मेगनखौ मेसेबना थाथ'।
बे साना बाबेनलांब्ला
जों मिथिलायथोंसै
मानोना बै समाव जों आरो
मिथिलायब्लाबो सिरि थालायगोन।
दा समाल'सो जोंनो गिथावना
जों गावजों गाव सिनायलाया
बिदा-फंबाय रावखौबो सिनायलायथ'या।
दासों बेखायनो गोसोनि खोथा
मिथिनो दालुबै; आंबो लुबैया।