बिसोर दा आंखौ सिनायलिया Poem by DINGRAI BASUMATARY

Light नि सोरांआव
बिसोर दा बाज्ल'खांदों
दैज्लांनि खुसेंग्राफोरबादि
गारबोनाय अमासि जिउखौ बावगारनानै

बिसोर दा नुहुराखै
एबा खौरां लानो सम मोनाखै
सोरांनि आन्दोआव
बेदुइननि बोहैनाय मोदै

बिसोर दा उदांयै बेरायथिंदों
फागुननि हाद्रि सौसिनानै
दंजायोदि गासैबो
नाथाय गासैबो थानानैबो
गासैबो गैया जानांगौ

दा बिसोरनि मिनिग्लाबनायाव
आं गाबदों
सोरांसिम थांनो हायैआव
मानोना
आंनि साथियाव दा खालानि गोनां

आं दा समाया
बिसोरनि Light नि सोरांआव गसंथिनो
हाद्रि बिरफुंहोना मदद होनो
दा आंहा गोहो गैया
बिनिखायनो
बिसोर दा आंखौ
सिनायनानैबो सिनाया l