میں سائیاں دا گڈ ا Poem by Aamir Abdullah

سرناواں: گڈّا
شاعر: عامرعبدالله

میں سائیاں دا گڈا
سائیاں لائیاں لمیاں ڈوراں
ڈھل دے دے کے
ول اسماناں خوب ودھایا
تنکا لایا ، چکر یں پایا
کاں ہاموں پر سدھ بنایا

تاہ میرے سبھ رنگ رنگیلے
نیلے ، ساوے ، پیلے
رتے دا ہے پان لوایا
اکھ لائی چن تارے دی تے
او ہلے وچ ہا جو کجھ وی اوہ
صاف وکھایا
میں نوں میلا خوب گھمایا

میں شر لاٹے بھر بھر اڈاں
میں ان ویکھے تارے چگاں
گھمدی جاوے چرخی تے میں
اسماناں دے پھیرے پاواں
سائیں جس دم ڈور ولیٹن
ول آون تے ڈ ھل نا ں لانواں

میں سائیاں دا گڈ ا