ଜାଳି ଭାଙ୍ଗି ପୁଣି କେମିତି Poem by Gajanan Mishra

ଆସ ବତେଇଦେବି
ଭଙ୍ଗାଯାଏ, ଜଳାଯାଏ କେମିତି,
ଆଉ ଜାଳି ଭାଙ୍ଗି ପୁଣି କେମିତି
ଗଢାଯାଏ ସରଗଦୁଆରୁ ଆସି ।

ବତେଇବା ଆଗରୁ ଅବଶ୍ୟ
ତୁମଠି ଥିବା ଦରକାର
ନିହପକା ସାଧାରଣ ଗ୍ୟାନ ।

ଯୋଉଟା ଯାଉଛି ବତେଇବାକୁ
ସେଇଟା ଖାସ୍ ତୁମର ବିକାଶର
ପ୍ରଥମ ସୋପାନ, ଧରିନିଅ ।

ଖଣି ଖାଦାନ ବଗିଚା ଅଛି ସେଠି,
ଆଉ ଯାହା ନାହିଁ ତାହା ଯେ ନ ଥିବ
ଭାବ ନାହିଁ ସେମିତି କିଛି ଏବଠୁ,
ଆଗକୁ ଅଛି ଯେ ବହୁତ ଦୂର ଯିବାକୁ ।

ଗଲାବେଳେ ଅବଶ୍ୟ ମାତ ଉତ୍ସବରେ,
କହିଦିଅ ତୁମେ ଆଉ ଅଛ କଣ ପାଇଁ।

ରହି କରି କରିବ କଣ ସ୍ପଷ୍ଟ କରିଦିଅ
ମାଟିକୁ ଚାହିଁ ।

ଆଉ ମାଟିରେ ମନ ରଖି
ଅନାଅ ଆକାଶ, କେତେଦୂର ପାରିବ ଦେଇ
ଉଡାଣ ଯାହାକୁ ରଖି ପାଖରେ ପୁଣି
ଖେପିଯିବ ସସାଗରାଧରା ।