മനസ്സുപറവതും സത്യമല്ല, പഴം
മനസ്സുപറഞ്ഞതും സത്യമല്ല
മിഴിനീരരുവിയും സത്യമല്ല, മിഴി
നീരായൊഴുകും നോവുസത്യം
കണ്ണാലെ കണ്ടതു സത്യമല്ല, വിശ്വം
കണ്ണാലെ കാണുന്ന കണ്ണു സത്യം
കാതാലെ കേട്ടതു സത്യമല്ല, ആദി
നാദത്തിന് സ്പന്ദനമത്രെ സത്യം
വിജ്ഞാനധാര്ഷ്ട്യവും സത്യമല്ല (ശാസ്ത്ര)
ജ്ഞാനമുരപ്പതും സത്യമല്ല
ജ്ഞാനവിജ്ഞാനദ്വന്ദ്വത്തിനപ്പുറം
പ്രജ്ഞാനമൊന്നുമാത്രം സത്യം
This poem has not been translated into any other language yet.
I would like to translate this poem