अरन बारियाव बादारि Poem by Dhoni Ram Narzary

दुफावनाय खुवानि सिं सिं अरन बारियाव बादारिया दंफां नागिरदों
मेंनाय आरो हाथासि गोसो लानानै गांहाबनायजों
जिरायथ'यो बियो निजिरा सेरनि गेरेमसा फांसे बिफां गुदियाव
निजिरायाबो थाद'आलासि अरन बारि सिं सिं बोहैलांदों।
बादारिया उनफिनना गारबोनाय आगानफोरखौ नायहरनायसै
'अ बैफोर आगाना...............'
हरखाब गोसोआव फैबाय सानजौफु जानोसै
माबारै जिखि एसे मोजां दंफांब्लाबो दाननांसिगोन
लामायाव साबसिन नुब्ला दानबावजागोन
नङाब्ला न'आव माखौथो खिन्थिहैगोन।