06 Poem by DINGRAI BASUMATARY

थांनोसै बे बुब्लियाव
गोसो दंमोन
नोंनो फोरमायलांनो
फंनैसो गोरबोनि खोथा
नाथाय दा आंहा सम गैलिया
बियोदि आथुरथारसै जोबोरै


माब्लादि सफैफिनगोन...?
आं बुंनो रोंलिया
मायनाव...
नों दासान आंखौ अन्थाइ बिखा
मानोना आंबो गोसो गैयामोन
नाथाय बियोदि जोबोद आब्रा


नों आरो आंनि सुजुनाय मिजिंआ,
मिजिंयैनो थाथ'थोंसै सना
गोरबोनि रावफोरा गोरबोआवनो थाथ'थोंसै
माब्लाबा समाव सफैफिनोब्ला
गोरबो बेखेवना रायज्लायदिनि
बै गौरां दैसा सेराव


दा नों दं जानांगौ इसिंआव
नंआब्ला दं जानांगौ गुफुर खाखोराव
सोदोबनि रैसुमै खबाम सुजुनानै
सना नों मावदो नोंनि हाबा

आदा लावदाबा...
गाबोन आंनि खौरां हैबोला
सना नों दागाब दाख्राय दाख्राय...


नों गोजोनैनो था सना
आंबो थाहैगोन गोजोनै,
बबेबा खनायाव
नोंनिसिम फैफिन्नायनि लामा नायनानै....