फारिगैयि सिमां: बेरेफुं1 Poem by Bidindra Basumatary

बिबारि एमावनो दंमोन जानांगौ बयबो
आंबोसो गोदो गोदो उन्दुनो लादों
मेसेबहांनाय मेगनखौ बुरखायना दलर थानो नाजासोमदों
सिमाङाबो फैदों रोमा-रोमि
दानथारु मैदेर हाथाइ ओंखारलायनाय फालोसे
आंनि दुब्लियाव फैना आबादखौ गाग्लिलांजोबदों
बेनि उनावनो दुथां सियालनि फालो
आंनिनो फिसिनाय दाउनि गग्रानिफ्राय लांबाय गोबां दाउखौ
उदखारि गोसोजों जाजोबफाय बेगें सिन्थाइनो ।
मोनायावल' नङा सानावबो थावरिनो हाया
उदखारि मेगनजों बिमा आलौरिनिफ्राय सेख्लाब सेख्लाब
गोबौ आसुगुरजों खेबथाबना अख्रां फारसे बिरलाङो सिख्रा बाजो ।