निजोरा3 Poem by Beson Swargiary

निज्रायनाय निजोरानि मिनिनाया
अननायनि गोसो दैमाजोँ बोहैनानै
गोरबो लैथोखौ गोजोन होयो
-
नोँनि रैसुमै मिलौदो-
स्रिं स्रिँ स्रा स्रा गाराङा
आंनि गोसो अखोराङाव गेलेफैयो
रिथि रिथा हाथरखि जानानै
-
नोँ निज्राय बोयोमोनब्ला-
गावदां अखाफोरनिफ्राय मिनिस्लुयै
आंनो अननायनि बिदै लुना
आं सानस्रिगौमोन अख्रां जाना
-
आं नेयो-
नैबे गुवार मिथिँगा बिखायाव
गोरबो लैथोनि सामु जाना
नोँनि अननायनि जारिमिन लिरनो,
नोँनिफ्रायसो माबोला मोनगोन
अननायनि नोजोर?