मिजिंनि खन्थाइ: 31st मार्च दानाव Poem by Bidindra Basumatary

लामाया सुबुं थाबायाब्ला हाग्रा दुलाङो
जेसेखि गोजों फाख्खानियानो जायाथों
लासैनो सानसे हाग्रा र'जलांगोन
सिखायाबो बाहायथाराबा माराम अरलाङो
जेसेखि गोदान आरो गोजोङानो जायाथों
सानसे माराम अरना बायलांगोन।

मिजिंफोराबो थैलांगोन सानसे थैलांथारगोन
सिमांफोराबो गोमागोन सानसे गोमाखाथारगोन
जों जुदि बेनि थाखाय सांग्रां नङा।
उन्दुस्रियै मेगन मेसेबना थायोब्ला।

सानजाहा नुजाबोबाय सान जारां सोरांगौ
सिखारदो, गिना दाथासै समफोरखौ
उन्दुनो ओंखारनायजों जुजिदो
गोख्रैयै सिखारना मोखां सुस्रादो।

सम आरो बोथोरा नेया
मोननांगौखौ मोनखागोनखा सानसे समाव
बोथोरनि आबाद बोथोराव माव
दाथा ओरैनो जदामब्लेना।