George MacDonald

(10 December 1824 – 18 September 1905 / Huntly, Aberdeenshire, Scotland)

A Lown Nicht - Poem by George MacDonald

Rose o' my hert,
Open yer leaves to the lampin mune;
Into the curls lat her keek an' dert,
She'll tak the colour but gie ye tune.

Buik o' my brain,
Open yer faulds to the starry signs;
Lat the e'en o' the holy luik an' strain,
Lat them glimmer an' score atween the lines.

Cup o' my soul,
Goud an' diamond an' ruby cup,
Ye're noucht ava but a toom dry bowl
Till the wine o' the kingdom fill ye up.

Conscience-glass,
Mirror the en'less All in thee;
Melt the boundered and make it pass
Into the tideless, shoreless sea.

Warl o' my life,
Swing thee roun thy sunny track;
Fire an' win' an' water an' strife,
Carry them a' to the glory back.


Comments about A Lown Nicht by George MacDonald

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Thursday, April 8, 2010



[Report Error]