A Poem In Tswana About My Parents Poem by KUTLWANO SONJI NOBLE ONE NKWE

Tlhowang ditsebe mme le rate mafoko a mmoki
Ke itshwaretse fela gole gonnye ke raya setoki
Letswaana fela la poko ga ke a abelwa ke wa nta motlhoki
Ga me ga go a tlala le yone komoki

Botlhale ba phala bo bonwa phalaneng
Nte ke tsatsanke mme fale seboaneng
Le rre a sa ntse a ile go tshwenya mometso nkgwaneng
Ka ba nkile fatsheng

Mme la gago letsele ke le amule
Ke le kgwele meno mabedi a sa a thudile
Ke go thetsa kitso le botlhale
Ga o thethe fa o le mmele se nnale

Rre monna molamu re ile ra betla
Seforetai wa ntlhopela sa thupa ya moretlwa
Ka kolopa lesogo le thaga
Namane sakeng ka wena ke ile ka thibela ka tlhaga

Lerato la me mo go lona lo elela se metsi a lewatle
Fa le ne le le mogobe le ka bo le tlhatsetsa ntle
Malebo ame ga a kgale molomong gautshwane le kae ke le atle
Ka loshalaba ke thanye menyenyo le le fatlhe