George MacDonald

(10 December 1824 – 18 September 1905 / Huntly, Aberdeenshire, Scotland)

A Song Of Hope - Poem by George MacDonald

I dinna ken what's come ower me!
There's a how whaur ance was a hert!
I never luik oot afore me,
An' a cry winna gar me stert;
There's naething nae mair to come ower me,
Blaw the win' frae ony airt!

For i' yon kirkyard there's a hillock,
A hert whaur ance was a how;
An' o' joy there's no left a mealock-
Deid aiss whaur ance was a low!
For i' yon kirkyard, i' the hillock,
Lies a seed 'at winna grow.

It's my hert 'at hauds up the wee hillie-
That's hoo there's a how i' my breist;
It's awa doon there wi' my Willie-
Gaed wi' him whan he was releast;
It's doon i' the green-grown hillie,
But I s' be efter it neist!

Come awa, nicht an' mornin,
Come ooks, years, a' Time's clan:
Ye're welcome: I'm no a bit scornin!
Tak me til him as fest as ye can.
Come awa, nicht an' mornin,
Ye are wings o' a michty span!

For I ken he's luikin an' waitin,
Luikin aye doon as I clim;
An' I'll no hae him see me sit greitin
I'stead o' gaein to him!
I'll step oot like ane sure o' a meetin,
I'll travel an' rin to him.


Comments about A Song Of Hope by George MacDonald

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Thursday, April 8, 2010



[Report Error]