Aankh Uthany Ki Jo Himmat Nahi Kar Satke Hum Poem by Azwer Lone

aankh uthany ki jo himmat nahi kar satke hum
phir yeh tay hai ke hukoomat nahi kar satke hum

hum hain mazdoor mushaqqat ka samar mangte hn
moazrat muft mein mehnat nahi kar satke hum

dil isi ka tha is ka hai isi ka rahay ga
is amanat mein khayanat nahi kar satke hum

baad az merg kahin ge ke bohat acha tha
zindah hotay hue izzat nahi kar satke hum

sirf nafrat ko chhupanay ka bahana hai miyan
yeh jo kehte hain mohabbat nahi kar satke hum

Umar guzri hai tre pairron ko pani dete
ab tre baagh se hijrat nahi kar satke hum

samnay hain to chalo haath laga lo Azwer
kisi tasweer mein harkat nahi kar satke hum