ପୁଣି ମୋ ଭାଷା Again My Language Poem by Gajanan Mishra

ଅସୁରକ୍ଷିତ
ଗଜାନନ ମିଶ୍ର

ଅସୁରକ୍ଷିତ
ଏଠି ମୁଁ।
ଅସୁରକ୍ଷିତ ଏଠି
ପୁଣି ମୋ ଭାଷା
ମୋ ମାଟି
ମୋ ଜୀବନ
ମୋ ରାଜ୍ୟ।

କଥାର ଚାତୁରୀରେ
ମିଛମାୟାରେ
ଗୋଟେ ହୋରେ
ଭସେଇ ଦିଆ ଯାଉଛି ମତେ
ଆଉ ମୁଁ ହରେଇ ଚାଲିଛି
ମୋ ଠିକଣା
ମୋ ପରିଚିତି
ମୋ ମାଟି ଉପରେ।

ଦଳ ବଳ କଳ ଲଗେଇ
ଶୋଷି ନିଆ ଯାଉଛି
ମୋ ରକ୍ତ, ଝୁଣି ଝୁଣି
ଖୁଆ ଯାଉଛି ମୋ ମାଂସ,
ହାଡଗୋଡ ସବୁକୁ
ଚୁରି ଗୁଣ୍ଡ କରି ଦିଆଯାଉଛି
ଆଉ ମୋ ଆର୍ତ ଚିତ୍କାରକୁ
ଉପଭୋଗ କରାଯାଉଛି
ମୋ ନିଜ ସାଇଭାଇ
ବନ୍ଧୁଙ୍କ ଦ୍ବାରା ।

କେଉଁଆଡକୁ ଗତି ମୋର,
ଠା ବସା କୋଉଠି
ଜଣା ନାଇଁ ମତେ ବି।
ପାଣି ପବନ ଆଲୁଅର
ଅସହଯୋଗ ଏତିକିବେଳେ,
ଆଉ ମୁଁ ବ୍ୟତିବ୍ୟସ୍ତ ଏଠାରେ।

ତପୋବନ, ଟିଟିଲାଗଡ, ବଲାଙ୍ଗିର
26/4/2019