ꃅꃤꄮꇬ,ꉢꎺꉠꀉꂿꄀ Comments

ꏮꐰꉜꑌꇇꀉꆈꁆ
ꏮꉎꉜꑌꇇꀉꆈꁆ
ꂪꌦꀉꆈꁎꍔꌊ
ꉠꏯꉜꄉꇁꇬꎷ
ꃅꃤꄮꇬ
ꉢꎺꉠꀉꂿꄀ——

ꑳꐮꑸꑽꏬꊪꋭ
ꑸꑽꃨꏭꐛꀐ
ꊪꇖꆄꏭꐛꀐ
ꃧꃨꍻꄹꍻ
ꀉꂿꇵꂷꍻꄹꍻ
ꊪꇖꏋꄹꏋ
ꀉꂿꇵꂷꏋꄹꏋ

ꑳꉎꈵꆈꏬꏿꋭ
ꈾꏾꃬꏢꃐ
ꈾꂷꇵꊫꒊ
ꈾꆧꈍꑋꏾ
ꀉꂿꇵꂷꈍꑋꂷꌌꀠꌠꉬꏭꐛ
ꈾꂷꈍꑋꂷ
ꀉꂿꑊꑆꈍꑋꄀꌌꆦꌠꉬꏭꐛ

ꀒ!ꀉꂿꌨꃤꀵꌊ
ꑳꅶꌩꏪꆈꊉꀕꅉꇀꇰꄉ
ꄔꐽꄔꀋꐽꑌꀋꐚ
ꑭꎙꈜꐯꃸꑌꌬꀋꄿ
ꇇꎙꈜꉐꅞꑌꌬꀋꄿ
ꀒ!ꀉꂿꏜꈆꒇꌊ
ꑳꊂꏜꁍꁡꊭꂦꅉꇀꇰꄉ
ꑓꂿꑓꀋꂿꑌꀋꐚ
ꀌꀠꄔꑌꇮ
ꁮꏂꄔꑌꇮ

ꀋꎺꀋꇊ ꀋꎺꀋꇊ
ꀉꂿꃷꇎꃷꇤꎆꉛꋙꉛꐺꄉ
ꃷꇎꈌꑝꈰꑴꂼ
ꃷꇤꃬꋖꈰꑴꂼ
ꀋꏦꀞ ꀋꏦꀞ
ꃷꇎꈌꉠꀉꂿꑝꅲꌠꀋꐥ
ꃷꇤꃬꉠꀉꂿꋖꀬꌠꀋꐥ

ꀋꏦꀞ ꀋꏦꀞ
ꉠꀉꂿꇤꈫꇤꇋꏮꄉ
ꋚꃅꒉꑽꐺꏭꐛ
ꇤꐮꇤꉎꑌꄉ
ꋙꋠꒉꅝꐺꏭꐛ
ꑌꂾꇤꇀꑌꄉ
ꀯꃹꎭꃹꃅꏭꐛ
ꇇꃅꇇꑘꃅꏭꐛ
ꍸꇐꇇꊂꄻꏭꐛ

ꀋꏦꀞ ꀋꏦꀞ
ꉠꀉꂿꇣꁁꉆꄉꐂꇓꃴꏭꐛ
ꈵꃴꉆꄉꃬꐜꐺꏭꐛ
ꃺꉻꈐꄉꃺꋚꄐꏭꐛ
ꑳꂾꇭꋓꉆꄉ
ꆈꄂꀕꃅꑳꐮꆫꏭꐛ
ꌻꑘꌷꈻꇀꇁꉚꏭꐛ

ꀉꂿꇆ,ꆏꂾꒉꈎꆹꅊꇈ
ꋍꀮꈎꌌꇀꑌꆏꃝꌺꊂꎭ
ꑍꀮꈎꌌꇀꑌꆏꃝꌺꊂꎭ

ꌺꊂꒈꂃꒊꇙꄓ
ꒉꀕꇆ!ꀉꂿꆃꆂ
ꒉꀕꇆ!ꀉꂿꇵꂷ
ꒉꀕꇆ!ꀉꂿꌦꅪ

ꌺꊂꒈꂃꒊꇙꄓ
ꆃꆂꇆ!ꌻꑘꀑꇬ
ꇵꂷꇆ!ꌻꑘꈯꄿ
ꌦꅪꇆ!ꌻꑘꌧꇐ

ꀉꂿꇆ,ꆏꂾꒉꈎꆹꅊꇈ
ꀆꐒꈎꈤꇀꂡꇫꀋꐥꑴꌦ
ꂿꃋꈊꅉꇀꅉꑟꀐꂼ
ꈍꃅꂯꇆꈍꃅꂯ

ꃅꃤꄮꇬ
ꉢꎺꉠꀉꂿꄀ——
ꏮꐰꉜꑌꊷꆣꀕꃅꐙ
ꏮꉎꉜꑌꊷꆣꀕꃅꐙ
ꉢꃆꄔꇤꂄꀺꆸꏢꉨ
...
Read full text