Alang Kang Juan.... Poem by RIC BASTASA

Alang Kang Juan....

juan, palihog daw bi
himoi kog balak, kanang
morag buwak nga mikatay
sa labat,
nga naghimog entrada
paingon sulod
sa balay nga

malipayon, unya pakapini
og mga aninipot sa lalom
nga kagabhion
nga nag-alirong sa kahoy
nga kamatyonon,

og kon mahimo pa nimo
palihog og dugang sa
bugnaw nga hangin nga
imong isulod diha sa bentana
nga kanunayng nangabre
nagpaabot

sa awit sa kaadlawon
nga misaad sa adlaw nga
bulawanon

Monday, October 26, 2015
Topic(s) of this poem: life
COMMENTS OF THE POEM
READ THIS POEM IN OTHER LANGUAGES
RIC BASTASA

RIC BASTASA

Philippines
Close
Error Success