Ali A: I-Líga: Do Poem by Migangko Dole

Rokom kokné porokdé
kokla: ngowé kinsuto
Asup dokké durobla:
ansídopé ansuto
Méram ru: yid tetge: la
i: sul du: to umído
Ali a: yé lígang do: yidém
dumdum bé: dod kinsuto,

Ge: mpag a: né toudo
purang apindém ra: lígto Kutuna: d lé: nam ajindém
atak-atakpé tégdupto
Rabbéd lé: nam ko: rido
rilígdange: l ba: lígto
Barit le: nam ali-dém
tagsa: langkul ra: lígto,

Nogin-po: ro apodém
típodandop tonnígto
Mibu galuk, gouro ugon, érkok-dém
ka: po-kanganpé gélíkto Murong lottad ka: bekto
réngam ka: pop so: namko Aso: p ngosin du: lamal
mé: podanna so: lígto.