And Ye Shall Walk In Silk Attire. Poem by Susanna Blamire

And Ye Shall Walk In Silk Attire.



'And ye shall walk in silk attire,
And siller hae to spare,
Gin ye'll consent to be his bride,
Nor think o' Donald mair.''
O wha wad buy a silken goun
Wi' a poor broken heart!
Or what's to me a siller croun,
Gin frae my love I part!

The mind wha's every wish is pure
Far dearer is to me;
And ere I'm forc'd to break my faith
I'll lay me doun an' dee!
For I hae pledg'd my virgin troth
Brave Donald's fate to share;
And he has gi'en to me his heart,
Wi' a' its virtues rare.

His gentle manners wan my heart,
He gratefu' took the gift;
Could I but think to seek it back--
It wad be waur than theft!
For langest life can ne'er repay
The love he bears to me;
And ere I'm forc'd to break my troth
I'll lay me doun an' dee.

COMMENTS OF THE POEM
BEST POEMS
BEST POETS
READ THIS POEM IN OTHER LANGUAGES
Close
Error Success