Ania Ang Ang Tigtagik Kalimti Na Ang Mga Atik Poem by RIC BASTASA

sa matag adlaw
miabot ang hunghong

hangtod na kini sa
mga kagabhion

kon ikaw siging pamati
dili ka na ganahan nga motingog

sa imong pagtingog
dili na nimo kaayo madungog

anaa ang mga hungihong
anaa ang mga kasikas

nadungog mo na ba ang
mga tunob sa hulmigas?

gihasol ako sa akong tanlag
gihadla ako sa tumang kahilom

gipamati ko ang maong tingog
gilikayan ko ang alingugngog

ania ang ang tigtagik
kalimti na ang mga atik