Ayaw Ako Usa Og Pukawa Poem by RIC BASTASA

kon nganong
gipasiga ang suga
samtang giangkon
ka pa
sa katulugon

kon nganong sa
sayong kabuntagon
nasangpit mo
ang ngalan sa
yawa?

ngano kaha nga
gipili mo man ang
kasakit kaysa
sa kalipay?

ngano kaha nga karon
mas naisog ka
kaysa imong kagahapon?

ngano kaha?
ngano ba nga mas gibuhat
mo man
ang sayop kaysa
sakto?

O, lawas, o kalag
mahimo bang
sabotan ninyo kini
sa laing higayon?

gikapoy ko
katulgon ko
ayaw ako
usa og pukawa