Aziyaton Ka Daur Hai Poem by Janid Kashmiri

Aziyaton ka daur hai ye, guzar jaayega
Har ek zakhm bhi aakhir sanwar jaayega

Ye raat jitni bhi gehri hai, dar na is se
Chiragh-e-sabr jale to sahar aayega

Tum apne dil ko zara hausla to dene do
Ye toot kar bhi kisi din nikhar jaayega

Jo ashk aankh se tapke hain be-sabab shayad
Wohi to dard ko aakhir bayaan kar jaayega

Ye waqt, ye gham, ye tanhaaiyon ka mausam bhi
Hawa ka rukh hai, badal kar guzar jaayega

Kisi ki yaad mein jalte raho magar sun lo
Ye dil bhi ek din khud se utar jaayega