Bildet av den kvite bjørnen kjem tilbake Poem by Eldrid Lunden

Bildet av den kvite bjørnen kjem tilbake

Det er nesten berre kvitt. Ei uendeleg kvit
fjellside og den kvite binna
med ungar tumlande mellom beina

Ho snur hovudet mot vinden
Eg tenker på den svarte, fuktige snuten hennar
men ser berre hovudet som søker
fram og tilbake

Ho veit ho kan lukte ein hanne lenge før
han luktar henne. Og at dette er den einaste
sjansen ho har. Hannen trur ungane er rivalar
i parringstida

I det binna drar seg sidelengs oppover vidda og
forsvinn over kanten, glir boka igjen