दोंबा लिमारिक Poem by Binod Baro

गोदान मोनब्ला गोजामखौ गारनाया मानसिनि आखु,
मोजां मोनज्लायब्ला बावो नायनो आखल-आखु।
बिनिखायनो आमोखाया माथा गरम,
होबावोनो आमोखिया सिरि- सिरि सोरनोबा मरम।
साननैसो उनाव खोनागोन गारलाय -खारलायनि ।

जोंना सारआ हारि अनफावरिथार,
बाहागो लायो जेरावबो सिगांथार।
मेल- बिबुंसारखौ होयो बिमा रावखौ सोलोंनायनि,
गेरेमसा माहारि मास्तार रेस दानायनि।
गावआ फिसा- फिसौखौ फिसौखौ फोरोङो गुबुन बिजोंजों।

आमोखा ओन्सोलनि जखायसे दैदेनगिरि,
दिन्थियो जेरावबो दादागिरि।
गावसोर नङाब्लानो सानो जेबो नङा
ओन्सोलाव हले सासेबो मन्थ्रि एम. एल. ए. देरहाहोफेरनो रोङा।
बिदिजों बेसेबां जुग सोलिलांनो! ! ! ! ! !

सोमखोरा बि. ए. एम. ए. फास,
दा गेलेयो गामियाव गथफोरजों तास ।
बि. ए. एम. ए. खौल' फास जाना बोरै जानो,
आखाय हेबना थाब्ला साख्रिया फैगोन जानो! ! !
गोदोनि जुग गैला हमना लांना माइरं जाहोनो।

गांसो गोरलै नागिरनाय मोसौ बोरायफोर,
जोनोम फोरमानलाइ नायनासो ला भाइफोर।
आमोखा - फोर्लाया हनै लांजाबायनो,
मामाया हले अरुनदय होनोबो रेदिनो।
हजा हले थ्रिस बारब्लाबो खथिननो ।