Bidindra Basumatary

Gold Star - 5,269 Points (Bhatopara [13/04/1997] Panbari, Bijni)

गोनो गोथो(Bodo Poem) - Poem by Bidindra Basumatary

दिनै सोरखौ फोथायनो फोरजाफोरनि गोनो गोथो
ABSU नि राजखान्थियाव आगान होनायाव
माखासे मानसिया सोंखारिसोदों
बेनि दैदेनगिरिफोरा राजा जानायनि सिमां नुदों
राज्यो-राजानिफ्राय रां खन्थुमदों बड'लेण्ड बिनायनि मुङाव
बेसेदि सोंखारिनाय खायसेनि खुगानिफ्राय!
खायसेया बुंदों राजखान्थिखौ मुं थिना
BPF नि बिटिसिखौ सामलायनाया दिनैबो गैया
गैया जौगानायनि जेबो नेर्सोनथि
खौटि खौटि रां फैबाय बिटिसिनि मुङाव दिनै
दिनै बेफोर थाखाखौ गारबाय बिसोर गावसोरनि
गावसोरनि थाखो थाखो अडथालिखा लुनायाव
गावसोरनि आरजिनाय रां बादि लाथुमबाय।
बड'लेण्ड बिनायनि मुङाव दिनै गावजों गाव हांगामा
मोनसेया मोनथारगोन होनना जुजिथाबदों
मोनसेया मोना होनना हेंथानि बिबुंथि खोनादों।
गोरोबलायनाय गैया सासे बिफानि सिमाङाव
गैया फोथायथि गावनि मोन्थाइनि सायाव एसेबो
जेननाय गोसो लाना सिं थानायनि नङा बे समाथ' दायो
जेननाय गोसो सोरजिगिरिया सोरजिना हराखै
हराखै मोन्थाइखौ खोमाना लानायनि जिउ।
सिगां एबसुखौ जिग' जिग' सोंखारिग्रायाबो दिनै एबसु
आरो सिगां बिफिएफखौ रायग्रायानो दिनै बिपिएफ
मादि राजखान्थि नंखाय हारिनि गेजेराव
रोंस'आखै दाबो राजखान्थिजों गोरोबनो
रोंस्लेंनाय दायो नांला-बंसा गावजों गावसो जुगुमलायनाय।

Topic(s) of this poem: politics


Comments about गोनो गोथो(Bodo Poem) by Bidindra Basumatary

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Thursday, January 14, 2016



[Report Error]