Robert Burns

(1759-1796 / Ayrshire / Scotland)

Bonie Doon - Poem by Robert Burns

Ye flowery banks o' bonie Doon,
How can ye blume sae fair?
How can ye chant, ye little birds,
And I sae fu' o' care?

Thou'll break my heart, thou bonie bird,
That sings upon the bough;
Thou minds me o' the happy days,
When my fause luve was true.
Thou'll break my heart, thou bonie bird,
That sings beside thy mate;
For sae I sat, and sae I sang,
And wist na o' my fate.

Aft hae I roved by bonie Doon
To see the woodbine twine,
And ilka bird sang o' its luve,
And sae did I o' mine.

Wi' lightsome heart I pu'd a rose
Frae aff its thorny tree;
And my fause luver staw my rose
But left the thorn wi' me.


Comments about Bonie Doon by Robert Burns

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Read poems about / on: rose, fate, happy, tree, heart



Poem Submitted: Sunday, May 13, 2001



[Report Error]