लुबैयो by Derhagra Basumatary✍✍✍ Poem by Derhagra Basumatary

हे आफा
मनुस मैया जिब जुनार
हा अख्रां बार दै
दंफां लाइफां सोरजिग्रा सोरजिगिरि,
नोंनि थाखोमानाय महरखौ नायनो
समाना गंसे नख'रखौ गारनानै
हिमालय हाजोनि सेर सेर
लैथो लैथोमानि रुगुंआव
दावमा दावसानियाव सोंबाय बायदों।
हे बिफा
नोंनि महरा माबादि
आंजों खनसे नुजाफै
मिनिस्लु महरै मिनि लांफै।

आंनि संसाराव गोजोन्नाय गैया
खालि दंमोन लुबैनाय
बिफानि महरखौ नायनो, ,

आथिंनि आगानाबो बुंसै
आं आरोबाव आवगाय हाला
हाजोनि रिथि रिथा अन्थाइनि;
रागा जोंनायाव
आं थावरिनो हानाय नंला।

हे बिफा
आंनि जिउ हगारनाय सिगां
आंजों खनसे नुजाफै
मिनिस्लु महरै मिनि लांफै
आं नेनानै दं।।।