Momin Khan Momin

(1800 - 1851 / Delhi / British India)

Chal pare haT mujhe na dikhla muNh! - Poem by Momin Khan Momin

-->

Chal pare haT mujhe na dikhla muNh!
Aai shab-e-hijr tayra kaala muNh!

Aarzu-e-nazaara thi ____ tu ne
Itni hi baat par cHupaaya muNh!

DushmanoN se bigaR gaee, to bhi
Dekhte hi mujhe banaaya muNh

Ho gaya raaz-e-ishq be-parda
Us ne parde se jo nikaala muNh

Shab-e-gham ka bayaan kya kije
Hai baRi baat aur cHoTa muNh

Jab kaha yaar se, dikha soorat
HaNs k bola k dekho apna muNh!

Phir gaee aaNkh misl-e-qibla-numa
Jis taraf us sanam ne pheira muNh


Comments about Chal pare haT mujhe na dikhla muNh! by Momin Khan Momin

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 20, 2012



[Report Error]