Chithhi (Kosli Poem 134) Poem by Binapani Mahaling

Hurud bhitrun chhuti jaaisi
Chhati pathar ke phatei
Jharnaa lekhen khal khalaanu
Dei desi amrut lekhen kathaa kahi.
Sukh, dukh, hasi, kandi aau nuraa khujaa
Kathaa kahesi chinhikaeri lok
Delaa lukar kete ashaa
Paaelaa lukar budi jaaisi sosh bhok.
Man bhitren jami thiba jete sabu sapan
Baahaari aaisi jamen gur metaar
Gute gute taar sabad bhitren
Sabu bhaabnaa nesi taar aakaar.
Kete belen ta paaraar haaten
Aau ketebelen daak gharen
Meghar haaten bi jaaisi ghaai ghaai
Aau bi phagun maasar pabane.
Niliaa aakaashar eidaaen seaaden
Dui taa hurud ke baandhsi
Dui akhriaa naa helen bi
Kede bad kaam karsi.