Momin Khan Momin

(1800 - 1851 / Delhi / British India)

Dar to mujhe kis kaa hai ke mai.n kuchh nahii.n kahataa - Poem by Momin Khan Momin

Dar to mujhe kiskaa hai ke mai.n kuchh nahii.n kahataa
par haal ye afshaa.N hai ke mai.n kuchh nahii.n kahataa
naaseh ye gilaa hai ke mai.n kuchh nahii.n kahataa
tuu kab merii sunataa hai ke mai.n kuchh nahii.n kahataa
kuchh Gair se ho.nTho.n me.n kahe hai pe jo puuchho
to vahii.n mukarataa hai ke mai.n kuchh nahii.n kahataa
naaseh ko jo chaahuu.N to abhii Thiik banaa duu.N
par Khauf Khudaa kaa hai ke mai.n kuchh nahii.n kahataa
chupake se tere milane kaa ghar vaalo.n me.n tere
is vaaste charchaa hai ke mai.n kuchh nahii.n kahataa
ai chaaraagaro qabil-e-daramaa.N nahii.n ye dard
varnaa mujhe saudaa hai ke mai.n kuchh nahii.n kahataa
har vaqt hai dushnaam har ek baat pe taanaa
phir is pe bhii kahataa hai ke mai.n kuchh nahii.n kahataa
'Momin' baa-Khudaa sihar bayaanii kaa jabhii tak
har ek ko daavaa hai ke mai.n kuchh nahii.n kahataa


Comments about Dar to mujhe kis kaa hai ke mai.n kuchh nahii.n kahataa by Momin Khan Momin

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 20, 2012



[Report Error]