Net earder hie de moanne roetkâld west.
Foar him kocht ik keningsblauwe moffen.
Us earste dei spile er Satie. Lok wie it,
in finsterbank, tsien fingers yn 'e romte.
Hannen fleagen oer houtdonker en ivoar,
wjerljochten op iiskristal. De toan ûntstie.
Sa't wy dêr doe letter foar it rút stienen.
Wyt, wintermuzyk wienen wy, waarm ek.
This poem has not been translated into any other language yet.
I would like to translate this poem