Deliverance Plan Poem by Fleurette Elaine Harris

A whe me do so man
Why things a go wrong
A whe mi do so man
Mi noh understand
If a mi a di man
An a mi mek di plan den mi noh understand
Why ting a go wrang

Dem say if yu waan good yu nose haffi run

Run go whe man
All across di lan?
Well all acreoss the lan mi smell it
An mi want it
Gold
Brass
Cloth an
Land
Aluminum
Petroliun

Gole spoon inna mi han a fi mi man
Cause dat whe mi did plan
So mi no understand how it slip through mi han

Dem sey good tings come to those who wait
Wait fi wha man
An fi how rass lang

Mi wait and mi plan
Nuff faith yu noh man

Mi say mi pray
An mi stay cool a way
Away from the damn confounded man

A whe mi do so man
Mi nuh deserve dis ya disgrace
Whe di grace
Pick up de pace man
Time fi faith
An hope

Fi goodness sake man give mi peace
A mi plan
Tiday man
Yu nuh understand
Mi say mi wait too long man

Dem sey yu reap what y sow
Dough
Volvo
Friends
Not foe
Good times
Fine wine
Peace of mind is mine
So
Dig up the stone man
Gimme root an backbone man
A so mi did plan
And since
Mi a di man
Deliver man
Che!