Fleurette Elaine Harris

Rookie (September 23rd / Port Antonio Jamaica)

Dance With Me - Poem by Fleurette Elaine Harris

Gloom ova de country
Time change
We naw read outta mcmillan book again
But bwoy
De vibration whe a gwaan
A noh whe dem tink a gwaan

Mi see higher force pan higher plane a run tings
Whe dem get fi do from higher source dan dem
An mi see
One big big spirit
Him face big like the earth
With little Jamaica inna him han
An yu see when mi look inna di sunlight
Mi see the same ting whe mi know
Mi see all the light a kiss dem teet
Ka dem nuh know darkness

An light waan di people
Fi dance wid it
An dem naw dance
De sinting hat mi yu se
So one day
Mi go siddung wid light
An mi say
'Alright light mi know say dem naw dance....
But come mek mi an you tracks'

An mi say

Light tell mi some story yu see man
All when we waltz ova tha mountain
Light nevva once tep pan mi toe
All light do is warm mi heart and caress mi soul
Light mek mi look out
An see de deep blue sea
De rainbow
Mi hear one little sound
Swize pass mi ears
When mi listen
A jus one sound mi ketch
Mi hear some angels a talk
An dem say

So mi say to light
“Whe dem mean”

An light say

“Yu see no battom inna you heart.....Inna yu heart you see no tap.....?
When you encompass me with compassion
Then you will circomvent the race and see healing for all kingdoms
In the kingdom of all existence'

An mi stay quiet quiet...an mi listen

Then I know

'As I am, I 'is'”

Comments about Dance With Me by Fleurette Elaine Harris

  • (3/1/2009 9:11:00 AM)

    Great one. Flows well. I wonder who is listening? (Report) Reply

    0 person liked.
    0 person did not like.
Read all 1 comments »

Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Poem Submitted: Saturday, February 21, 2009

[Report Error]