Tarun Kumar


Dhara Ab Karhane Lagi Hai - Poem by Tarun Kumar

jhuk gaya hai sir sharm se dhara ab karhane lagi hai
beizzat yun kiya desh ko duniya ungli uthane lagi hai
kisko samjhaun yhaan par hota haasil kuchh nahin
nakli log, baatein nakli, haqeekat bhi nakli ho gayi

sajawat har cheez ki, milawat chhipane ka tareeka hai
aaj ke har shaks ne yeh bachpan se hi seekha hai
imaan-o-dharm ka har vakya, ek hadsa ban kar reh gaya
inko le kar saath chala jo, har kadam sisak kar reh gaya

palkein bichhayein rehte hain, mauka lootne ka chhute na
ek baar jo fas jaye, gunjaish nahin ki chamdi lute na
jeevan dushkar ho gaya, iss kadar haiwaniyat chhayi hai
jeena bemaani hua, har pal insaniyat hi gavayi hai

har taraf iss had tak insaani janwaron ka basera hai
ki kab kahan kya ho jaye, isi kashmkash ne ghera hai
prakarti bhi apna ab saath dene se katrane lagi hai
jhuk gaya hai sir sharm se dhara bhi karhane lagi hai


Comments about Dhara Ab Karhane Lagi Hai by Tarun Kumar

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Monday, August 23, 2010



[Report Error]