Dili Duha... Poem by RIC BASTASA

sa kanunay
hakupa sa dughan
ang kalooy

ayaw kahadlok nga
ikaw mahimong lumo ang
kasingkasing

diha ang imong kabug-aton
sa kagaan
diha ang imong katakos sa
imong kahuyang

ayaw usa og lakaw
mahimo ba nga dili ka usa mosulti
ni mosibog

pamatia una
timbangtimbanga pag-ayo kon unsa
ang sunod

inig ka human nimog
pamati, inig human nimog timbang

kon asa ang bug-at
didto ka mokuha aron imong
ibalhin
sa mga balhibo sa manok

karon mao na ang panahon
sa paghukom
wad-on na ang tungatunga
kay ang anaa mao na lamang
ang wala o too

usa lamang
dili duha.