James Hogg

(1770 – 21 November 1835 / Ettrick, Scotland)

Donald Macgillavry - Poem by James Hogg

Donald's gane up the hill hard and hungry
Donald comes down the hill wild and angry
Donald will clear the gouk's nest cleverly
Here's tae the king and Donald Macgillavry
Come like a weigh-bauk, Donald Macgillavry
Come like a weigh-bauk, Donald Macgillavry
Balance them fair, and balance them cleverly
Off wi' the counterfeit, Donald Macgillavry

Donald's run o'er the hill but his tether, man
As he were wud, or stang'd wi' an ether, man
When he comes back, there's some will look merrily
Here's tae King James and Donald Macgillavry
Come like a weaver, Donald Macgillavry
Come like a weaver, Donald Macgillavry
Pack on your back, an elwand sae cleverly
Gie them full measure, my Donald Macgillavry

Donald has foughten wi' reif and roguery
Donald has dinner'd wi' banes and beggery
Better it were for Whigs and Whiggery
Meeting the devil than Donald Macgillavry
Come like a tailor, Donald Macgillavry
Come like a tailor, Donald Macgillavry
Push about, in and out, thimble them cleverly
Here's tae King James and Donald Macgillavry

Donald's the callan that brooks nae tangleness
Whigging, and prigging, and a' newfangleness
They maun be gane; he winna be baukit, man
He maun hae justice, or faith he'll tak it, man
Come like a cobler, Donald Macgillavry
Come like a cobler, Donald Macgillavry
Beat them, and bore them, and lingel them cleverly
Up wi' King James and Donald Macgillavry

Donald was mumpit wi' mirds and mockery
Donald was blindid wi' blads o' property
Arles ran high, but makings war naething, man
Lord, how Donald is flyting and fretting, man
Come like the devil, Donald Macgillavry
Come like the devil, Donald Macgillavry
Skelp them an' scaud them that prov'd sae unbritherly
Up wi' King James and Donald Macgillavry


Comments about Donald Macgillavry by James Hogg

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Read poems about / on: justice, faith, war, running



Poem Submitted: Friday, January 3, 2003



Famous Poems

  1. Still I Rise
    Maya Angelou
  2. The Road Not Taken
    Robert Frost
  3. If You Forget Me
    Pablo Neruda
  4. Dreams
    Langston Hughes
  5. Annabel Lee
    Edgar Allan Poe
  6. Stopping By Woods On A Snowy Evening
    Robert Frost
  7. If
    Rudyard Kipling
  8. Do Not Stand At My Grave And Weep
    Mary Elizabeth Frye
  9. I Do Not Love You Except Because I Love You
    Pablo Neruda
  10. Television
    Roald Dahl
[Report Error]