Epitaph On Holy Willie - Poem by Robert Burns
Here Holy Willie's sair worn clay
Taks up its last abode;
His saul has ta'en some other way,
I fear, the left-hand road.
Stop! there he is, as sur's a gun,
Poor, silly body, see him;
Nae wonder he's as black's the grun,
Observe wha's standing wi' him.
Your brunstane devilship, I see,
Has got him there before ye;
But haud your nine-tail cat a wee,
Till ance you've heard my story.
Your pity I will not implore,
For pity ye have nane;
Justice, alas! has gi'en him o'er,
And mercy's day is gane.
But hear me, Sir, deil as ye are,
Look something to your credit;
A coof like him wad stain your name,
If it were kent ye did it.
Comments about Epitaph On Holy Willie by Robert Burns
Read this poem in other languages
This poem has not been translated into any other language yet.
Still I Rise
The Road Not Taken
If You Forget Me
Edgar Allan Poe
Stopping By Woods On A Snowy Evening
I Do Not Love You Except Because I Love You