Flores De Mayo (Ilonggo Poem) Poem by Nadine Evangelista

mga bulak nga mahamot imo gina pangita.
para ihalad kay maria nga aton palangga.
mag bagting gani ang simbahan, ga sala na ang mga bata.
para makig-upod sa pagpangadi sa flores nga para sa birhin nga si Maria

indi ka gid ma gutoman kada hapon.
kay kung magpuli ka,
may tinapay, juice kag dolce ka pa nga balon.
tungod sa mga tawo nga maalwan kag mabinuligon.
madinalag on nga flores ang aton ma angkon.

sa mga kabalayan, may ara man nga novena.
nga kung sa diin mga kamal-aman ang naga panguna.
ga rosaryo, gahalad kag ga kanta man sila.
tradisyon na ina halin pa sang una.

mag abot na gani ang katapusan sang Mayo
mga babayi ga parada suksuk sang mga maanyag nga mga bayo
bilang representasyon sang mga reyna sang una pa nga mga tyempo
mga tawo naga kari upang ma saksihan ang kataposan sang flores de Mayo.

naga salu-salu mga pamilya
isa ka paagi sang paghiliusa
masinadyahon nga paagi sa pagpasalamat sa birhin nga si Maria
mga tawo naga samba sang masinadyahon tungod sa iya.

sa sunod nga mayo, mag kari naman sila.
sa paghalad kag sa pag kanta.
syempre indi gd madula ang gina tagaan importansiya,
ang pagpangadi sa birhin nga si Maria