'Gamay'Ng Tingog Sa Sulugu-On Sa Timawa' Poem by Jake Tadla

Di’ ako ang tinuod nga ako
Kung may kambyo-
Gamay man o dako, ga-an o bug-at,
Maayo man o dautan-
Sa akong serbisyo.

Apan sa matag takna,
Sa matag buluhaton
Aduna gayu’y kalakip
Nga di’ mahalikayan
Sa bisa’g unsang adlawa.

Kung mao, di’ ako tinuod.
Wa’ gayud mahitabong nabuhi
Bisan ug kanus-s niining kalibutana.
Apan, kinsa man diay kining naga-isturya kanimo?
Wa’ na ba gayu’y tinuod nga ako?

Paki-pangita kuno ko sa akoa.
Apan basi’g ugma damlag
Anaa na ako sa imong tugkaran.
Namisbis sa imong mga tanom
Ug nagaluto sa imong pamahaw.

Aduna siguro’y tinuod nga ako uy.
Kay ginagamit man pud ang akong nga’n bisan ug asa.
Anaa sa konstitusyon o sa midya ba hinu-on.
Ug gina-singgit pa man gain sa mga kadalanan.
O basin ug nagpataka lang pud na sila?