Ghaist-Spikk Poem by Sheena Blackhall

Fit dae ye dae in the eftirlife
Ma darlin son, ma lammie
I keep night-watch in the ghaistie-fowk
That's fit I dae, ma mammy

Fa dae ye tryst wi in the derk
Ma darlin son, ma lammie
I tryst wi the deid fowk bi the kirk
They're ma friens noo, ma mammy

Fan micht I jyne ye in the mools
Ma darlin son, ma lammie
Fin ye've larned the wirth o human jewels
Fin ye've larned their wirth, ma lammie

Can ye forgie me ma mistaks
Ma darlin son, ma lammie?
It's your mistaks caused ma hertbrakks
Ower late wi her tears, ma mammy