Green Grow The Rashes Poem by Robert Burns

Green Grow The Rashes

Rating: 3.0


Green grow the rashes, O!
Green grow the rashes, O!
The sweetest hours that e'er I spend,
Are spent amang the lasses, O!

There's nought but care on every han'
In every hour that passes, O;
What signifies the life o' man,
An 'twere na for the lasses, O?

The warl'ly race may riches chase,
An' riches still may fly them, O;
An' though at last they catch them fast,
Their hearts can ne'er enjoy them, O.

But gi'e me a canny hour at e'en,
My arms about my dearie, O,
An' warl'ly cares an' warl'ly men
May a' gae tapsalteerie, O!

For you sae douce, ye sneer at this,
Ye're nought but senseless asses, O;
The wisest man the warl' e'er saw,
He dearly loved the lasses, O.

Auld Nature swears the lovely dears
Her noblest work she classes, O;
Her 'prentice han' she tried on man,
An' then she made the lasses, O.

COMMENTS OF THE POEM
Ian Fraser 14 January 2011

I can remember the tune of this! We were fortunate to have at our all boys school to have a very enlightened music teacher who did not object to teaching us some of Burns' naughtier stuff. Was he Scottish? I don't remember, but he certainly deserved to be.

5 1 Reply
READ THIS POEM IN OTHER LANGUAGES
Robert Burns

Robert Burns

Ayrshire / Scotland
Close
Error Success