Haa Maine Mela Dekha Hai Poem by Ajeet Singh Dhruv

Chup chaap khade ek kone se,

Jhulo ko chalte dekha hai,

Haa maine mela dekha hai.

Parde ke piche se chipkar,

Joker ko haste dekha hai,

Haa maine mela dekha hai.

Chanchal mann me liye lalsaa..

Maine soch liya jb,

Wo barf ka gola khaana hai.

Bheegi aankho se maa ne puch liya tb, kya mere laal ne mela dekh liya? : (

Nanhe batuye se maa ko,

Chhand paise ginte dekha hai,

Haa maine mela dekha hai.

Maa inn jhulo se darr sa lagta hai,

Ye joker toh yun hi hasta hai, bhala ye barf bhi koi khaata hai.

Chal maa, haa maine mela dekh liya..: '(

Haa maine mela dekha hai.