ଗଛ କଟାରେ
ହାତ ତୃତୀୟ ମହଲା,
ଭାଟି ନିଲାମରେ
ତୃତୀୟ ମହଲା,
ଖେଳ ଟିକଟ ବିକ୍ରିରେ
ହାତ ତୃତୀୟ ମହଲା,
ସ୍ୱୀମୀ ସ୍ତ୍ରୀ କଳିରେ
ତୃତୀୟ ମହଲା,
ବିଦ୍ୟାଳୟ ଖୋଲାରେ
ତୃତୀୟ ମହଲା,
ଚାଷରେ, ପୂଜାରେ,
ଫୋନରେ, ଜନ୍ମରେ,
ମୃତ୍ଯୁରେ, କବିତାରେ,
ତୃତୀୟ ମହଲା, ତୃତୀୟ ମହଲା।
କଣ ସେ ତୃତୀୟ ମସଲା
ପଚାରିବା ପୂର୍ବରୁ
ନାକପାଟିକୁ ଲଗାଇ
ଠିଆ ହେଲା ଗୋଟେ ଆଙ୍ଗୁଠି,
କଣ ମରିବାର ଅଛି!
ଆରେ, ଏଠି ତ ସମସ୍ତେ
କେବେଠୁ ମରିସାରିଛନ୍ତି!
ମଡା ଭିତରୁ ଖୋଜିବାକୁ ପଡୁଛି
କିଏ କୋଉ ବସରେ ଯାଉଥିଲା
କେଉଁଆଡକୁ କେତେବେଳେ!
କିଏ ହସୁଥିଲା କି କାନ୍ଦୁଥିଲା
କୋଉ ଭାଷାରେ!
ବାଡିପଡା ଚଡି ଖୋଲୁଥିଲା କି ନାଇଁ
ଝାଡା ପରିଶ୍ରାବେଳେ!
ମନ୍ଦିରରୁ ସତ୍ୟ ହଜିଥିଲାବେଳେ
କି ରୂପ ନେଉଥିଲା ପ୍ରେମ!
ଆରେ ଆରେ ଦାମ, କଣ ପାଇଁ
ତୁମର ଏ ଭ୍ରମଣ!
ମଂଚରୁ ତ ଖସିବ କଂସ,
କେତେବେଳେ ଆମେ ମଂଚତଳେ
ଦେଖିବାକୁ ହମ ହମ।
This poem has not been translated into any other language yet.
I would like to translate this poem
We the people at ground floor should raise voice against Third floor.Nice poem sir.